Laywaddy FM

Facebook Twitter Youtube

Laywaddy FM

Home » Blog » သံတွဲမြို့နယ် မှတ်ပုံတင်ကိုင်ဆောင်ထားသူများကို ရေနံသာဂိတ်ကနေ ရခိုင်ကို ပြန်ဝင်ခွင့်မပေးသေး

သံတွဲမြို့နယ် မှတ်ပုံတင်ကိုင်ဆောင်ထားသူများကို ရေနံသာဂိတ်ကနေ ရခိုင်ကို ပြန်ဝင်ခွင့်မပေးသေး

သံတွဲမြို့နယ် မှတ်ပုံတင်ကိုင်ဆောင်ထားသူများကို ရေနံသာဂိတ်ကနေ ရခိုင်ကို ပြန်ဝင်ခွင့်မပေးသေး
19

ကိုရဲ

လေးဝတီ FM (၂၀၊ သြဂုတ်၊ ၂၀၂၄)


ရခိုင်ပြည် သံတွဲမှတ်ပုံတင်ကိုင်ဆောင်ထားသော ဒေသခံပြည်သူများကို စစ်ကောင်စီရဲ့ ရေနံသာစစ်ဆေးရေးဂိတ်ကနေ ရခိုင်ကို ယနေ့အထိ ပြန်ဝင်ခွင့် မပေးသေးကြောင်း သိရပါတယ်။


“သံတွဲမှတ်ပုံတင်ကိုင်ရင် ခုထိကို ပေးမဖြတ်ဘူး။ ဂွမှတ်ပုံတင်တော့ ရခိုင်ကို ပြန်ဝင်လို့ရနေသေးတယ်” လို့ သယ်ယူပို့ဆောင်ရေး လုပ်ဆောင်နေသူတစ်ဦးက ဆိုပါတယ်။


ဧရာဝတီတိုင်းကနေ ရခိုင်ပြည်သို့ ဝင်ရောက်ရာလမ်းပေါ် ရှိ ရေနံ့သာလမ်းဆုံ နှင့် ဂွတောင်ကြား လမ်းအဆင်း ရခိုင်ပြည်ဘက်ခြမ်း၊ ဂွမြို့အဝင် စစ်ဆေးရေးဂိတ်များတွင် ယခုကဲ့သို့ ကန့်သတ်ထားခြင်းဖြစ်ကြောင်း သိရပါတယ်။


“ရန်ကုန်ကနေ ဂွကို ကားခက တစ်သိန်းခွဲ (၁၅၀၀၀၀ ကျပ်) ပါ၊ မှတ်ပုံတင်တော့ မဖြစ်မနေပါရပါမယ်” လို့ သူက ဆိုပါတယ်။
စစ်ကောင်စီသည် သံတွဲမှတ်ပုံတင် ကိုင်ဆောင်ထားသူများကိုသာ ရခိုင်ပြည်သို့ ပြန်ဝင်ခွင့်ကို သြဂုတ်လ ၁၀ ရက်ကပင် ကန့်သတ်ထားခြင်းဖြစ်ပြီး ဂွမြို့နယ် မှတ်ပုံတင်နှင့် အခြားမြို့နယ် မှတ်ပုံတင် ကိုင်ဆောင်ထားသူများကို ထောက်ခံစာအဆင့်ဆင့်ဖြင့် ဝင်ခွင့်ပြုကြောင်း သိရပါတယ်။


ရခိုင်ပြည် သံတွဲမြို့သည် ဂွမြို့မှ မိုင် ၈၀ကျော် အကွာတွင် တည်ရှိပြီး ဂွ၊ ဆတ်သွား၊ ကျိန္တလီမြို့တို့ကို ဖြတ်သန်းပြီးမှသာ သံတွဲမြို့သို့ ဆက်လက် သွားရောက်နိုင်မှာ ဖြစ်ပါတယ်။


အာရက္ခတပ်တော် နှင့် စစ်ကောင်စီတို့ တိုက်ပွဲများပြင်းထန်နေသည့် ရခိုင်ပြည် သံတွဲ၊ ငပလီ၊ ကျိန္တလီ နှင့် ဂွမြို့နယ်တို့မှ ပြည်သူများသည် ဧရာဝတီ၊ ပဲခူး နှင့် ရန်ကုန်တိုင်းများသို့ စစ်ရှောင်နေကြပြီး၊ ငွေကြေးမတတ်နိုင်သည့် ဒေသခံအချို့မှာ သံတွဲ နှင့် ဂွမြို့နယ်ကြား က နေရာတွေမှာ စစ်ဘေးရှောင် နေကြရပါတယ်။

Prev post ကျိန္တလီမြို့ ကို နေ့တိုင်းနီးပါး လေကြောင်းရေကြောင်း အသုံးပြု တိုက်ခိုက်နေ ၊ တိုက်ပွဲမှာ ပိတ်မိသူ နေသူတွေ ကို မကယ်ထုတ်နိုင်သေး
Next post တောင်ကုတ်မြို့ အနီးဝန်းကျင်ကို စစ်ကောင်စီ လေကြောင်းက နေ့စဉ် တိုက်ခိုက်နေ ဒေသခံတွေမြို့ကို စွန့်ခွာလာကြ

Kay Zue

Related Posts

19 thoughts on “သံတွဲမြို့နယ် မှတ်ပုံတင်ကိုင်ဆောင်ထားသူများကို ရေနံသာဂိတ်ကနေ ရခိုင်ကို ပြန်ဝင်ခွင့်မပေးသေး”

Leave a Reply

Your email address will not be published. Required fields are marked *

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Email – info@laywaddyfm.com

သတင်း

အရင်းမြစ်များ

အထူးကဏ္ဍ

Copyright © 2025 Laywaddy FM All right reserved.